Este curso a nosa Ratiña Pérez estivo máis centrada nas aulas de EI , cos nenos e nenas as que lles caeu o seu primeiro dente.
De cando en vez veu a Primaria e tras pasarlles unhas pequenas probas aos nenos tamén lles deixou un pequeno agasallo a cambio do dente caído.
BEDETECA rematada , grazas a gran axuda do alumnado colaborador nas tarefas de ordenar , organizar e catalogar.
O noso recuncho Erasmus segue crecendo , libros en alemán , eslovaco, francés , italiano e portugués.
As últimas novidades:
Au loup de Stephanie Blake.
LOULOU de Gregoire Solotareff
As sementes de céu de Mia Couto
A meniña do mar de Sophia de Mello.
Chegamos ao fin desta II edición do club de lectura " Leo con Leo - Xogadores de libros "
Aproveitamos para realizar unha avaliación das sesións realizadas e coñecer as opinións e impresións dos integrantes.
Repartíronse uns pequenos agasallos e un diploma do seu paso polo club.
Foi unha actividade moi satisfactoria.Grazas a todos os que fixeron posible esta actividade : alumnos , familias , profes , Silvia Penide e Alicia Sánchez.
.jpg)
Hoxe comezou unha orixinal e divertida actividade na biblioteca: A Librezzería Leo Moito.
Que agocharán dentro esas caixas de librizzas?
Haínas de todo tipo : de fantasía , máxicas, salvaxes, verdes, salgadas....
O fin de curso está próximo , e con el chega a actividade Ola e Adeus , onde os nenos e nenas de 6º de EP apadriñan ao alumnado de 6º de EI, que comezará a súa andaina por Primaria o vindeiro curso.
A primeira actividade foi unha lectura conxunta entre as catro clases e un pequeno período de xogo.
O pasado martes, 26 de maio, tivemos no centro a actividade "Día da ciencia" organizada polo equipo de Polos Creativos e coma en anos anteriores estivo abertas ás familias para que poideran desfrutar dos traballos dos seus fillos e fillas e de todo o alumnado en xeral.
E como non podía ser doutra forma a biblioteca tamén participou nesta actividade cun proxecto que aunaba á escritora homenaxeada no Día das Letras Galegas e a robótica.
