NORMAS DA BIBLIO

O alumnado colaborador de 5º e 6º de EP , pasaron polas aulas de 1º e 2º para explicar as normas de funcionamento da biblio e esta  semana faranno en 6º de EI e 3º de EP.

EXPOSICIÓNS

Dende o 25 de novembro temos na biblio as exposicións de  novidades e contra a violencia de xénero, lecturas pola  igualdade.

DÍPTICO: NOVIDADES NA BIBLIOTECA.

MAGOSTOMAÍN

Dende a biblioteca  preséntase unha exposición de libros relacionados co outono, Magosto e Samaín, para todas as idades.

Pasa pola biblio e escolle o teu libro,se necesitas axuda, pídea aos nenos e nenas colaboradores , levan un peto lila e un carnet identificativo.

EQUIPO DA BIBLIOTECA 2019/20

Dende o día 1 de outubro a biblioteca de EP está aberta en horario de 11:30 a 11:55 para préstamo e consulta en sala.
Coma en anos anteriores,  alumnado de 5º e 6º de EP pertencentes ao  equipo de Boas Prácticas colaboran no funcionamento e mantemento da nosa biblioteca.
Dámoslles a benvida  e  agradecemos  a súa colaboración!!!!!

PRÓXIMA INAUGURACIÓN: BIBLIOPATIO EN PRIMARIA.

Mañá mércores inaugúrase o bibliopatio  en Primaria.Anímate e ven  visitarnos!

BIBLIOPATIO EN INFANTIL

O pasado 24 de maio inagurouse o Bibliopatio en Infantil. Carriños de lectura para gozar dos libros tamén nos recreos.FOI TODO UN ÉXITO!

                                                 
                                        

EU CONVERSO EN GALEGO

Ao longo do mes de maio  e conmemorando o Día das Letras Galegas, tedes a vosa disposición un Photocall ,  situado na planta baixa do edificio de E.primaria , a carón da porta de entrada do comedor, co lema: Eu converso en galego , e ti?

23 de abril -DÍA DO LIBRO

Co motivo do Día do  libro realizouse  unha exposición temática,  propúxose   facer o momento lector ese día ao aire libre  e  proporcionóuselles ás aulas marcapáxinas para colorear.

ACTIVIDADES MÁIS SECUNDADAS

Tivo lugar no pasado trimestre dúas das actividades que máis gustaron os nenos/as do cole:
O buzón do amor e a amizade   e Apadriñamentos lectores .
BUZÓN DO AMOR E A AMIZADE.
O buzón do amor e a amizade estivo exposto durante parte do mes de febreiro.
Púxose a disposición do todo o centro ,nenos/as, profes e persoal non docente un buzón para celebrar, non un día, senón dúas semanas, as semanas do amor e da amizade, na que puideron  escribir  cartas , notas,  poemas… a outras persoas do cole.
Foi tal o éxito que recibimos máis de 400 cartas e  o alumnado de 5º e 6º colaborador da biblioteca  foron os encargados de repartirlas por todo o cole.

APADRIÑAMENTOS  LECTORES                                                                                                            

Os nenos e nenas de cursos máis altos foron os encargados de ler aos máis pequenos aqueles libros que previamente escolleran.Foi todo un éxito.  

                                                                                    

O equipo TICs elaborou este  vídeo que recolle momentos desta lectura compartida.           

BIBLIOTECA ESCOLAR

A biblioteca escolar é un instrumento fundamental para o desenvolvemento do programa de promoción da lectura  e  o centro de referencia de recursos de lectura, da información e da aprendizaxe.

Dende o equipo da biblioteca desenvolvemos este blogue como un recurso máis que permita a  comunicación co alumnado , profesorado e familias. 

Son moitas as actividades que vimos realizando dende a biblioteca , contando sempre coa  axuda do nenos/as de 5º e 6º integrantes do grupo de  alumnado colaborador da biblioteca, e esperamos que todas esas actividades e as que realizaremos contribúan ao fomento da lectura e achegamento á biblioteca escolar,dando respostas ás necesidades de todo o alumnado.

Sen máis, damos por inaugurado o blogue Leo Moito.