Rematamos o curso e rematamos tamén o noso primeiro club de lectura .
Nesta última sesión realizamos unha avaliación para saber as valoracións dos nen@s e fíxose entrega de diplomas e un pequeno agasallo pola súa participación,todo animado con música e palomitas.
O equipo de biblioteca participou no Día da ciencia cun stand de libros científicos e realizou a enquisa : " Cal é o teu libro preferido?" tanto para o alumnado, profesorado e familias visitantes .
Buscando unha forma máis sinxela de organización de cara a favorecer o uso autónomo da sala de lectura dos máis pequenos, as mestras de EI idearon unha nova estrutura do espazo o que implica a reorganización e a adquisición de novo mobiliario.
O 22 de maio dentro das actividades do Club de lectura "Seoaniñas Lectoras" tivemos a visita de Silvia Penide, cantautora e escritora, entre outros de Diferentes diferenzas e Onde está Otti?
Falounos da súa experiencia como escritora pero tamén puidemos desfrutar da súa música e ata compuxo cos nenos unha simpática canción.
As mestras participantes no proxecto Erasmus + contribúen ao fondo bibliográfico con aportacións dos países visitados, neste caso Portugal.
Dentro do club de lectura Seoaniñas lectoras , despois da lectura do libro "Poemas bestas e outros bechos" tivemos a visita da veterinaria Sara que nos falou do seu traballo , dos distintos coidados as nosas mascotas ,da responsabilidade que implica, e moito máis ... Sesión moi amena e entretida!!!!!
O alumnado de 5º B entrevistou a actriz Melania Cruz , coñecida polo seu extenso traballo tanto en cine coma en televisión e teatro , gañadora no 2022 do premio da Cultura Galega das artes escénicas.
