Club de lectura: Visita á biblioteca María José Trincado

Dentro das actividades do club de lectura o xoves 27 de marzo realizamos unha visita guiada á biblioteca María José Trincado de Mera , onde Rosalía  explicounos a distribución da biblioteca, as distintas seccións , a forma de préstamo, os libros máis prestados...

Grazas pola acollida e a atención recibida !!!!!!!!

Normas sala de lectura

Actualizáronse as normas da sala de lectura e continuase co acondicionamento da mesma.

Xornadas Plambe

A coordinadora da biblioteca  asistiu o 20 de marzo ás Xornadas Plambe onde puido presenciar  charlas moi interesantes e ver o gran traballo que se está a facer nos centros escolares. 

Hora de ler

 A biblio ofrece un lugar acolledor e versátil para o momento lector.

Semana da prensa

 Do 10 ao 14 de marzo conmemoramos no cole a Semana da Prensa con diversas actividades , aínda que en moitas clases  dita conmemoración prolongouse todo o mes.

Como en anos anteriores aunamos o 8M , a Semana da Prensa e o proxecto anual de centro "Seoarte" para deseñar a actividade "Mulleres na arte" onde cada clase realizou entrevista a mulleres relevantes dentro dese ámbito.

Os traballos realizados expuxéronse  na zona exterior da biblioteca .

Estes traballos encadernaranse e pasarán a formar parte dos fondos bibliográficos da biblio.

As clases de 5º e 6º de EP participan no programa Prensa-escola da Voz de Galicia.

Realizamos tamén unha exposición temática relativa ao 8 M

Tempo de Entroido

Coma en anos anteriores para inaugurar o Entroido e tamén para despedilo organízouse na biblioteca dous Maratóns de chistes.

Cheo Total!!!!!!

Grazas pola vosa participación e asistencia!!!!!!

A un paso do préstamo informatizado

 Quédanos xa moi pouco para comezar co préstamo informatizado. 

Estanse catalogando os últimos libros, os carnets xa preparados e comeza a conta atrás.